A. -

"Situation ou action pénible"

-

[A1 humain] est/ vit en peine. : La chose contourna sus le pilz pour le roy, ainsi que Dieux ou le diable le vouldrent ; flambe ardant se bouta en ce lit, entre les lincheulz, par telle maniere que le roy, qui là estoit couchiez et envolepez entre les linchelz, fut attains de celle flambe par tel maniere que oncques on n'y povoit venir à temps, ne le secourir, qu'il ne fust tous ars jusques à la boudine ; et pour ce il ne mourut pas si trestost, mais vesqui XV. jours en grant paine et en très grant misere ; ne surgien, ne medicin, n'en sceurent ne ne peurent oncques remedier qu'il ne morust. (FROISS., Chron. M., XIV, c.1375-1400, 188).

-

[Plusieurs A1 sont] d'une peine "Ils sont dans la même misérable situation" : ... les Escos n'avoient nulles pourveances de vin, de pain ne de seel. Des bestes avoient il assés, si en pooient mengier en seve et en roost, sans pain et sans seel, a laquelle cose, qant il lor touche, ils n'acomptent point granment, mes que il aient de la farine et une plate piere a faire des oublies. Et aussi ne font auquns Englois ne Gallois : il sont tout de une painne et de une matere et condition. (FROISS., Chron. D., p.1400, 146).

-

[A1 humain] porte / souffre/soutient/peut/resoigne la peine de [A2 , situation ou action] : Et li sieges se tenoit devant Thun l'Evesque et avoient li François siis grans enghiens ... et ...leur jetoient chil de l'oost a lors enghiens, pour euls enpunasier, mors chevaus et mortes bestes. Ce lor faisoit a un avenant plus de mal que les pieres.... Li chevaliers comsidera que longement il ne pooient sousfrir ne porter la painne de celle puasine et que chil enghien les menroient a fin et a destruction. (FROISS., Chron. D., p.1400, 397). Et la fu la bataille tres grande et tres perilleuse ; car chil Normant et chil Genevois estoient tout esqumeur et coustumier de la mer, et trop bien en pooient la painne, car en tout lor vivant il n'avoient fait aultre cose que poursievir les aventures d'armes sus la mer. (FROISS., Chron. D., p.1400, 406). ...chil signeur de France se remissent ensamble pour avoir consel conment, ne par quel art ne maniere, il poroient le mieuls esploitier pour grever lors ennemis. Et aviserent que il departiroient lor hoost en quatre parties, desquelles la premiere partie asaudroit dou matin jusques a prime, la seconde de prime jusques a midi, la tierce de miedi jusques a vespres, et la quarte des vespres jusques a la nuit ; car il pensoient que li desfendant ne poroient porter si grant faix que pour soustenir la painne toute jour ajournee, (FROISS., Chron. D., p.1400, 661). Pour ce temps estoit messires Jehans de Hainnau en la droite flour de sa jonece, et de si grant volenté que nuls chevaliers pooit estre. Et pour ce entreprist il le dit voiage si liement, et ne resongnoit painne ne peril qui li peuist avenir. (FROISS., Chron. D., p.1400, 71).

-

[A2 action ou situation] coûte à [A1] peine (de son corps) : Or vous diray que li rois d'Engleterre fist et avoit ja fait, qant il sceut que li rois de France venoit a si grande hoost pour li combatre et pour dessegier la ville de Calais, qui tant li avoit cousté d'avoir, de gens et de painne de son corps ; (FROISS., Chron. D., p.1400, 826).

-

[A3 humain] fait / donne peine à [A1 humain] : ...il donnerent au roi d'Engleterre et a ses gens otant a faire, par hardiement asambler et combatre, que onques aultres gens li donnassent painne, ensi que je vous recorderai assés briefment. (FROISS., Chron. D., p.1400, 882). Et alerent ces gens d'armes au chastiel dou conte, et rompirent les portes et entrerent dedens ; et trouverent le conte de Montfort en sa cambre qui se armoit. Il le prissent en cel estat. Et l'enmenerent quatre chevalier de France en la tente dou duch de Normendie, liquels fu moult resjois de celle prise et li dist : "Contes de Montfort, vous nous avés fait painne. Il vous faudra, voelliés ou non, retourner a Paris, et oir la sentense qui a esté rendue et donnee sur vous." (FROISS., Chron. D., p.1400, 499).

B. -

"Activité intense"

-

[A1 humain] rend peine à / a / met peine de [A2 action] "il se donne du mal pour faire A2" : Et l'amoit le duc d'Irlande si ardaument que voulentiers il eust veu qu'il se feust desmariez de la duchesse sa femme, la fille au bon seigneur de Couchy ; et y rendoit toutte la paine comme il povoit, et ja en avoit-il fait escripre au roy au plus especiaulment comme il povoit à Romme, à celluy qui s'appelloit pape Urbain VIe et que les Anglais tenoient pour pape ; (FROISS., Chron. M., XIV, c.1375-1400, 46). Et se li Englés avoient eu painne de euls poursievir, li Escoçois, pour euls garder et sauver, avoient eu painne et sousfrete de toutes coses au double. (FROISS., Chron. D., p.1400, 163). Ce roy, de bonne memoire, en son temps mist grant paine d'acquerir amis à tous lez, et bien luy besoingna. (FROISS., Chron. M., XIV, c.1375-1400, 177).

-

[A1 humain] se met en peine de [A2 action] : Qant la chapitainne de ces Flamens, qui se nonmoit Clais Denneqins, entendi que li rois de France, en sa nouvelleté, avoit juré que jamais il n'enteroit en Paris, ne entenderoit a aultre cose si averoit remis en Flandres le conte Lois et confondus tous ses ennemis et nuisans, si s'en enfellonnia grandement, et dist que chils rois poroit bien fallir a ses pourpos, et toutesfois pour lui brisier, ils s'en meteroit en painne. (FROISS., Chron. D., p.1400, 177).

-

[A1] perd sa peine : Chil de l'avant-garde passerent oultre et cevauchierent jusques a Ribeumont, et l'aprochierent de si priés que li signeur vinrent devant les barrieres ; mais point n'i aresterent ne asallirent, car il veirent bien que il perderoient lor painne, car la dedens s'estoient requelliet auqun chevaliers et esquiers dou pais, pour garder la ville et la tour et lors corps meismes. (FROISS., Chron. D., p.1400, 325).

-

[A3 humain] met [A1] en peine de [A2 action] : Chil Escoçois demorerent plus d'un mois a Londres et ne pooient estre respondu, car li consauls ne voloit, et tant que il furent si hodé et si tané que il requissent et priierent que, fust pour euls ou contre euls, il fuissent respondu. La cause qui metoit detriance ou consel dou roi, je le vous dirai. Il comsideroient generaulment entre euls deus coses : li une si estoit que lors sires li rois estoit jones et a faire ; et ne voloient pas tenir ne nourir en wiseuses, mais en painne et en travel d'armes - (FROISS., Chron. D., p.1400, 205).

C. -

DR. "sanction prévue pour une infraction"

-

[A1 humain] encourt en une peine. : Mais nous sonmes obligiet par foi et sierement et sus grant painne de florins et sus sentense de pape, que nous ne poons esmouvoir gerre au roi de France sus encourir en celle painne. (FROISS., Chron. D., p.1400, 339).

-

[Il est interdit ou ordonné à A1 de faire A2] sus la peine à / que de [+ inf.] "sous peine de..." : Ainsi amiablement se espardi l'assamblée de Saint-George de Windesoire, et s'en retournerent les seigneurs à Londres, et furent escript et mandé tous officiers et tresoriers parmy le royaulme d'Angleterre qu'ils venissent pouzueus de leurs comptes, sus la painne à estre deshonnouré de corps et d'avoir. (FROISS., Chron. M., XIV, c.1375-1400, 32). L'empereur, ...escripsi devers les ducs et les contes qui de luy tenoient, que le XIIIe. jour de juing ilz fussent tous devers luy à Aix-en-la-Chapelle, sus la paine que de perdre leurs terres, si en desobeissance estoient (FROISS., Chron. M., XIV, c.1375-1400, 46).

-

[Il est interdit ou ordonné à A1 de faire A2] sus peine de [+ nom]. : Mais nous sonmes obligiet par foi et sierement et sus grant painne de florins et sus sentense de pape, que nous ne poons esmouvoir gerre au roi de France sus encourir en celle painne. (FROISS., Chron. D., p.1400, 339).

-

RELIG. [A3, le Pape] absout de peine [A1] : Adont fu avisé dou Saint Pere et dou colege a preechier celle crois parmi la crestienneté et de absorre de painne et de coupe, tous vrais Crestiiens qui la vermelle Crois encargeroient et le porteroient en devotion oultre mer, pour aidier le roi de France a conquerir la terre de Surie et la sainte chité de Jherusalem. (FROISS., Chron. D., p.1400, 241).

D. -

À (grand) peine

-

"[A1 fait une action quelconque] à grand peine. difficilement" : Et dura ceste cace des Escoçois sus les Englois jusques oultre la riviere dou Hombre. Et se sauva a grant painne li rois Edouwars, et ne fu onques asegurés en chité ne en ville ne chastiel que il euist sus tout son chemin, si se trouva en la chité de Londres. (FROISS., Chron. D., p.1400, 44). Ensi et par tele incidense se conmencierent a entouellier li disferent en Bretagne, qui i furent si grant et si orible ; que les gerres et les malefisces qui s'en esleverent et engendrerent, i furent si grant que a painnes i peut on onques trouver moiienne conclusion pour les apaisier. (FROISS., Chron. D., p.1400, 476).

-

"presque pas" : Qant ce vint le dimence au matin, il fist grant brume, et tele que a painnes pooient veoir lonch un arpent de terre. (FROISS., Chron. D., p.1400, 737). Je qui sui vostres sires, vous me tenés en dangier, lequel je n'ai point apris, car a painnes puis je aler pissier que trois ou quatre gardes ne soient sur mi. (FROISS., Chron. D., p.1400, 801).